විජයග්‍රාහී 9 වන යොවුන්පුර නගර සභාවේ පුරපති ධූරය රුවන් සුදේෂ්ට (PHOTOS) | EW Media

තාරුණ්‍යයේ සිහින දොරටු විවර කරගනිමින් අනාගත නිවැරදි දිශානතිය සොයා යෑමේ අරමුණින් දිවයිනේ සිව් දිග සිසාරා ශ්‍රී ලාංකීය තාරුණ්‍යය එකම තැනකට රොද බඳින විජයග්‍රාහී 9 වන යොවුන්පුර වැඩසටහනේ ප්‍රමුඛ කාර්යයක් වන යොවුන් පුර නගර සභාව සහ එහි නිලධාරී මණ්ඩලය පත් කිරීම හා නිල ලාංඡන පැළඳවීම ජාතික තරුණ සේවා සභාවේ සභාපති / අධ්‍යක්ෂක ජනරාල් නීතිඥ එරන්ද වැලිඅංගේ මැතිතුමාගේ ප්‍රධානත්වයෙන් අද (22) දින සිදු කෙරුණා.

ඒ කුරුණෑගල, නිකවැරටිය පශු සම්පත් මණ්ඩල පර්යේෂණ හා පුහුණු කිරීමේ මධ්‍යස්ථාන පරිශ්‍රයේදී.

මෙහිදී 2018 යොවුන් පුර නගර සභාවේ පුරපති ලෙස ශ්‍රී ලංකා යෞවන සමාජ සම්මේලනයේ හිටපු සංවිධායක රුවන් සුදේෂ් තරුණයා තේරී පත්වුණා.

මෙම අවස්ථාව සඳහා ජාතික තරුණ සේවා සභාවේ ජේෂ්ඨ නිලධාරීන් සහ ශ්‍රී ලංකා යෞවන සමාජ සම්මේලනයේ තරුණ නායකයින් හා යොවුන් පුර නගර සභාවේ සභිකයින් ඇතුළු පිරිසක් සහභාගීවී සිටියා.